Европската визија која што ја имаат студентите и професорите е донесување на закон на европски начин, преку дискусија, дебата, вистинска отоврена, за донесување закон кој ќе биде во рамките на Болоњскиот процес.
Независно што им се велеше и кажуваше, како премиерот што им велеше дека не разбира зошто протестираат кога тие не се засегнати со законот, студентите, покажаа дека знаат и чуле што значи Лисабонски договор, што значи солидарност, социјална кохезија, знаат што значи демократија и почитување на човековите права, рече универзитетскиот професор Билјана Секуловскс Габер на конференцијата Македонија 2015: Европски реформи или несреќен нов изум?
-Нема да постои реакција од страна на Европјаните, однсоно од претставниците на ЕУ, ако самите не го побараат она што сме го потпишале како партнери кога сме побарале членство во ЕУ. Ако можеше да постои пракса брзопотезно да се наметне потребата од ревидирање на визната либерализација, и ако можеше да се наметне надгледување за тие прашања, зошто да нема надгледувања за овие прашања кои значат уривање на овие стандарди. Ние пишавме писмо меѓутоа не добивме одговор, зошто нема одговор, рече Габер.
Европската агенда е двострана, и ние треба нешто да направиме не само тие да направат. Тие треба под итно да ја “завртат славината“, зашто кога ќе нема средства да се трошат безмилосно, кога ќе ги нема средсвата во тој случај ќе мора да има реакција поинаква потколку што ја има сега, рече Габер.