Каде и да се чепне во случајот со странската фирма во куќата на министерот Јанакиески, скандалот станува поголем, рече портпаролот на СДСМ Петре Шилегов.
Не само што фирмата Лудвиг Фајфер е кираџија во куќата на министерот Миле Јанакиески,
Не само што на оваа фирма лично вицепремиерот за финансии Ставрески и потпишал договор во 30 милионскиот бизнис Пречистителна станица Прилеп.
Овие официјални документи објавени на страницата на Европската унија откриваат дека Владата на Груевски и го дала бизнисот на германската фирма ВО ДИРЕКТНА СПОГОДБА.
Иако, како што стои во документите, на тендерот се јавиле дури 4 заинтересирани фирми, вицепремиерот Ставрески го потпишал договорот со фирмата чиешто седиште е на имотот на министерот Јанакиевски во Прилеп.
Сето ова се случува откако тендерот еднаш е поништен.
ИПА Извештајот за 2012 година открива скандалозни информации зошто. Еве го тој документ, во којшто е наведено:
“Проектот за Пречистителна станица во Прилеп се соочи со дополнителни задоцнувања во тендерската фаза во 2012 и Делегацијата на ЕУ конечно мораше да ја откаже евалуацијата, поради постоење сериозна загриженост за прекршување на доверливоста на процесот.
После поништениот тендер и отворената постапка за нов:
Случајно германската фирма, добитник на милионскиот бизнис е регистрирана на имот на министер во Владата на Груевски, во случајов Јанакиески,
Случајно Ставрески го склучил договорот со таа фирма,
Случајно договорот бил склучен со постапка на преговарање, што значи зделка во четири очи,
Случајно министерството со коешто раководи Јанакиески е едно од одговорните за управување со средствата од кои се финансира Проектот,
Случајно проектот ја закупил куќата на Јанакиески,
Случајно на оваа куќа нема никаква информација дека таму работи некоја фирма.
Еве фотографии од куќата на Миле Јанакиески во Прилеп. На неа, можеби во контекст на сите случајности, никаде не се гледа табла што би упатила на тоа дека овде има простории на фирма.
Груевски, Ставрески и Јанакиевски треба веднаш овие “случајности“ да им ги објаснат на граѓаните на Република Македонија. Партизираните институции трети ден молчат, рече Шилегов.