Граѓаните треба да знаат како да ги препознаат спиновите и разните видови на пропаганда за да правилно се информираат – ова е е една од главните цели на Сервисот за проверка на факти во медиумите, кој објавува рецензии на новинарски написи, а реномирани новинари и експерти пишуваат новинарски лекции и колумни за актуелни општествени проблеми.
Сервисот е дел од проектот на УСАИД за зајакнување на медиумите во Македонија, имплементиран од Фондацијата Метаморфозис.
– Идејата на проектот Сервис за проверка на факти во медиумите е токму на граѓаните да им се приближат новинарските стандарди преку нивна примена на конкретни примери. Ние сфаќаме дека граѓаните во рамките на образовниот процес имаат малку можности да научат што е всушност професионално новинарство. Има разни форми на пропаганда, спинови и слично, што професионалните новинари можат веднаш да ги детектираат, но за граѓаните тоа е потешко и затоа некои од нив потпаѓаат под разни влијанија на манипулации. Се’ повеќе медиуми ги преобјавуваат нашите содржини како нивен удел во општата јавна дебата, вели Филип Стојановски, програмски координатор и менаџер на проектот.
Сервисот за проверка на факти во медиумите наскоро ќе воведат и нови содржини во следењето на медиумите.
А.Б.