Силвио Берлускони е аматер во споредба со Никола Груевски, рече на 20 Конгрес на СДСМ заменик претседателот на партијата на европските социјалисти, Џакомо Филибек.
– Уморни сме. Поминаа две години од скандалот, а владејачката партија игра игри и си ја префрла топката. Ако ние, надвор од државата сме уморни, може да замислам колку сте вие исцрпени, рече Филибек.
Во Македонија парите се потрошени на многу чудни работи, на пример спомениците, заклучи тој.
– Изненадени сме од лидерот на СДСМ, како и на Радмила Шекеринска, која последните две години патуваше со цел да ни каже за лудилото кое се случува во Македонија. Победата не е доволна, животите на граѓаните ќе се сменат кога државата ќе има вистински партнери од Европската унија, што ќе има само доколку во Македонија има кредибилни избори, рече Филибек.