Заменик-министерот за правда, Оливер Ристовски, бил во зградата на Министертсвото за правда во моментот кога избувнал пожарот.
Во изјава за медиумите Ристовски раскажа дека се наоѓал во својата канцеларија, но по вклучувањето на алармот, бил евакуиран заедно со вработените, па причинета е само материјална штета.
„Не знаеме што е причината за пожарот. Тоа очекувам да го утврди истрагата“, рече Ристовски.
Додаде дека опожарени биле канцеларии во кои се чувале тековни документи и не е уништена битна документација.