Директорка на Фондацијата Фридрих Еберт на канцеларијата во Скопје, Ева Елерајт, на тематската трибина Агенда – Енергетика 20-24, во организација на СДСМ, во Битола, истакна:
“Вие имате многу повеќе сонце отколку во Германија, а тоа е обновлив извор на енергија, со огромен потенцијал, што може да го користите многу повеќе, заедно со другите обновливи извори на енергија”.
Елерајт се осврна на германскиот модел на соларни кооперативи, во кои граѓаните учествуваат во сопственоста, пред се на локално ниво и обезбедуваат приход за своите семејства, а задругите на обновливи извори на енергија обезбедуваат корист за многу лица, а не само за неколкумина.
Обновливите извори на енергија помагаат во борбата за чист воздух и создаваат рамнотежа меѓу енергетиката, економијата и животната средна, истакна Елерајт.