Елена Петковска ја замени Даниела Рангелова во Советот на Општина Центар по предлог на ВМРО-ДПМНЕ.
Поранешната водителка на АБ Канал и сегашна наставничка во Основното училиште „11 Октомври“ го пополни испразнетото советничко место откако Рангелова стана пратеничка во парламентот.
Комисијата за верификација на мандати во состав од 3 члена поднесе извештај пред советниците во кој врз основа на член 15 од изборен законик и член 6 од деловникот Општината донесе решение за верификација на мандатот.
Елена Петковска даде свечена изјава во која се обврзува дека ќе ги почитува правата и обврските одговорно согласно законите и Уставот.
Таа со бајадери ги почасти присутните во општинската барака за добиената функција.