Студентите предупредија никој да не се осмелува да ги поврзува со партиски штабови и да му дава партиски контескт на протестот.
– Единствената членска книшка која ја држам се вика индекс. Не сме по ничија иницијатива и од никој штаб испратени, тоа е во случај ако ви продаваат приказни, рече еден од предводниците на студентскиот протест.
Според студентите, протестот е против пасивноста на институциите и со намера да предложи начини како да се надминат.
– Се собравме поради многу причини, но сите се сведуваат на тоа дека има потреба од студентски акитивизам, од вклучување на секој студент и решавање на нивниот статус.
Студентите потсетија дека на антинацистичките демонстрации во Прага 1939 година јавно беа обесени 9 студенти и професори.
– Во знак на сеќавање, знаете дека протестираат студентите и во Србија и во Грција, ова е марш дека не забораваме. Тоа е дел од традицијата која не обврзува да се активираме. Има уште еден повод-најавата за екстерно тестирање, против која протестираме и имаме 4 аргументи. Со истата ако се спроведе, се ограничува правото на образование, се врши упад во автономијата на универзитетот, се коси со постојниот болоњски модел на евалуација и не ги поддржува постојните модели на интерната и екстерна евалуација, посочија студентите пред почетокот на маршот.