Две возила се опожарени во пожар кој настанал околу четири часот утринава во близина на ТЦ Скопјанка во скопската населба Аеродром. Во пожарот нема повредени лица, а го пријавил жител од блиската зграда кој се разбудил од силниот звук.
„Не разбуди силниот звук во четири часот наутро. Слушнавме пукање на гуми, се исплашивме од големиот оган и чад. Веднаш пријавивме во Пожарна и пожарот набрзо беше изгаснат“, истакна за „А1он“ очевидец од настанот.
Настанот за „А1он“ го потврдија и од МВР.
„Во 04.15 часот во Полициската станица Аеродром било пријавено дека на бул.„Кузман Јосифовски Питу“ настанал пожар во патничко возило „рено клио“ со скопски регистарски ознаки, сопственост на правно лице од Скопје и патничко возило „бмв“ со скопски регистарски ознаки, сопственост на А.Р.(31) од Скопје. Повредени лица нема, а пожарот бил изгаснат од екипа на Бригадата за противпожарна заштита Скопје“, рекоа од МВР.