ВИДЕО: Драма на Боемска, келнерите не давале инспекцијата да изврши увид во кафеана, внатре бил Мицкоски

Од:

Инспектори на Пазарниот инспекторат биле спречени да извршат надзор во затворениот дел на угостителскиот објект “Винотека” на Боемска улица, по што, два ипол часа останале пред објектот. Додека инсистирале да направат увид, затекнале како политичар излегува од објектот. Ова за “А1он” го потврди инспекторката Мери Продановска, која кажа дека станува збор за лидер на политичка партија.

“А1он” дознава дека станува збор за претседателот на ВМРО-ДПМНЕ, Христијан Мицкоски, кој седел во затворениот дел на угостителскиот објект додека инспекторите не можеле да влезат и да направат увид.

Инспекторката Маја Продановска од Државниот пазарен инспекторат за “А1он” вели дека првпат им се случува да наидат на ваков отпор.

“На улицата Боемска проверувавме дали и во внатрешноста на кафеаните се врши некоја дејност. Во еден од објектите нашите колеги беа спречени да извршат надзор, да увидат со свои очи дека во објектот не се врши никаква дејност, со објаснување дека објектот не работи и никој нема клуч. Колегите беа упорни и останаа пред објектот. По некое време излегоа од внатре две физички чица, нормално за нас сите се граѓани на оваа држава, но некој препознаа политичар односно претседател на политичка партија. По два ипол часа седење пред објектот, во меѓувреме, излегоа уште две лица кои ние не можевме да ги легитимираме, ниту ги препознаваме. Влеговме во објектот ја утвривме фактичката состојба. Празен беше по два ипол часа. Но има елементи каде се гледа дека се вршело дејност внатре. Кујната беше со храна имаше чинии, корпата беше полна со отпадоци, шишиња”, вели инспекторката Продановска за “А1он”.

Инспекторатот ќе покрене постапка за спречување на инспекциски надзор и вршење на дејност спротивно на протоколите што е кривично дело.

“Порака до сите, граѓани, политичари, претставници на верски заедници. Ситуацијата да се сфати сериозно. Залудно излегуваме на терен ако свеста е на ниско ниво”, додаде инспекторката.

Пред угостителски објект, екипата на “А1он” го забележа Ристо Ставревски, началник на СВР Скопје, поставен од техничкиот министер Наќе Чулев, заедно со полициска екипа.

Би можело да ве интересира

Мицкоски: Ако Заев се откаже од Гоце Делчев и јазикот, идната влада на ВМРО тоа ќе го поништи

Жарко Настоски

(ВИДЕО) Мицкоски: ВМРО-ДПМНЕ нема да поддржи онлајн-седници на Собранието

Жарко Настоски

Пауновски за забранетите прослави: Немаме доволно инспектори, благодарност до сите што ни вршат дојави

Маја Илиевска-Пачемска

СДСМ: Губитникот Мицкоски прави сѐ само да не го исполни ветувањето за оставка по поразот на изборите

Мицкоски: Работи кои нема да ги прочитате во медиумите под контрола на власта во Извештајот на Стејт департмент: главен проблем корупцијата и лошата економија

ВИДЕО: Мицкоски повика на протест во среда

Искра Манојлоска