кандидат за Градоначалник на општина Битола од СДСМ, Менде Диневски, вети два нови проекта:
Субвенционирање на трошоците за средношколските екскурзии, согласно програма усвоена од советот на општина Битола. Туристичките агенции кои ќе ги организираат овие екскурзии ќе имаат обврска да го зголемат бројот на ноќевања на туристи во нашиот град со што Битола би прераснала во вистински туристички град.
Проектот за практиканти предвидува, субвенционирање на млади луѓе согласно програма донесена од советот на Општина Битола кои преку практиканска работа ќе се стекнат со соодветно работно искуство, што ќе ги направи конкурентни на пазарот на трудот. Овај проект ќе придонесе компаниите да добијат нова, свежа работна и интелектуална сила, Ова е уште една од мерките за намалување на невработеноста во нашиот град и задржување на младите во Битола.
