Младите битолчани заслужуваат да живеат во град кој им нуди услови за вработување, квалитетни културно – образовни содржини, спорт и забава – услови за пристоен живот. Град кој им нуди Иднина, рече кандидатот за градоначалник на Битола, Менде Дивески.
Младите во нашиот град, додаде, во последните 8 години напуштени и од централната и од локалната власт единствениот излез го гледаат надвор од границите на нашата држава.
Ние нема, рече тој, да го дозволиме тоа. Заедно со нив ќе се избориме за подобро утре, за подобра иднина. Во нашата програма имаме предвидено бројни младински мерки и решенија, а дел од нив се следните:
– Посебна програма во буџетот на Општина Битола за финансирање на младински идеи и проекти
– Формирање на младински форум, каде би членувале претставници од средните училишта
– Носење на младинска стратегија и акционен план
– Мерки за креирање на работни места