На 5 јуни со или без вас, граѓаните на Македонија ќе го изберат новото Собрание. Да си барате пријатели секаде по белиот свет заради тоа што во Македонија повеќе ги немате, рече координаторот на пратеничката група на ВМРО-ДПМНЕ, Илија Димовски.
Тој кажа дека СДСМ продолжува со срамна, деструктивна и кукавичка политика. Според него, единствен срам за политичар е да бега од избори.
-Се радувате заради тоа што бегате од избори, алал вера. Почитувани колеги пратеници, од народот нема да избегате. Ниту еден меѓународен посредник, ниту еден измислен пријател нема да ве заштити од волјата на народот. Народот ќе си дојде по своето и народот ќе го врати суверенитетот на оваа држава таму каде што му е местото, рече Димовски.
Александар Тодески