Министерот за надворешни работи Никола Димитров синоќа преку видео врска на социјалната мрежа Фејсбук, одговараше на прашања кои му беа поставувани од граѓани корисници на оваа мрежа.
Шефот на дипломатијата одговараше на прашања поврзани со договорот со Грција, со референдумот, со политичката состојба во Македонија.
Тој минатата недела најави дека ќе почне со проектот „Прашај го министерот“ и секој четврток ќе одговара на прашања од граѓаните поставени преку социјалните мрежи. Во текот на неделата граѓаните ќе поставуваат прашања, а секој четврток приквечер Димитров ќе ги одговара на истите преку снимка во живо на социјалните мрежи.