Носителката на изборната единица 1 Рената Десковска најави дека идната влада на СДСМ ќе креира медиумски простор кој ќе овозможи непристрасно и објективно новинарство, слобода за истражување, но и известување за позитивни мерки но и за мега скандали. како и ефикасна заштита од злоупотреба од сопствениците на медиумите и државни органи.
Таа рече дека владата на СДСМ нема да биде главен и одговорен уредник на медиумите во Македонија.
– Власта им го укина правото на граѓаните да бидат информирани. Цензурата и партиската пропаганда на МТВ и сите медиуми, новинарите го изгубија правото да информираат, го замени објективното новинарство. Сите релевантни извештаи говорат за медиумски мрак во Македонија – изјави Десковска.
Како што рече Десковска, во изборната кампања СДСМ немала рамноправен пристап за презенитање на кампањата, дури ниту на националниот сервис.
„Лидерот на СДСМ вчера објави уште една мега афера: ВМРО-ДПМНЕ се стекнале со огромен имот во станови и кеш за само неколку денови и месеци. Пред една недела, исто така, лидерот на опозицијата информираше за мега скандалот тежок еден и пол милиони евра во кеш, поврзан со продажбата на Македонска Банка, АД Скопје“, рече Рената Тренеска Дескоска, носителка на листа на кандидати за пратеници во ИЕ 1.
Според неа, молчењето на медиумите и обвинителството за овие скандали, претставува потврда на нивното тврдење дека за време на владеењето на ВМРО-ДПМНЕ, власта им го укинала правото на граѓаните да бидат информирани.