„Знај ги своите права, за да можеш да се бориш за нив!“, гласи првото правило на Студентскиот пленум, кои денеска беа јавно прочитани на платото на УКИМ, каде студентите прогласија автономна зона на Филозофскиот и на Правниот факултет.
– Почитувај ги правата на другите студенти,
Не биди насилен кон другите студенти и доколку некој применува насилство, веднаш пријави го кај најблискиот редар или сними го со телефон, велат од Студентски пленум.
Другите правила се против оштетување на инвентарот, против внесување на дрога алкохол, опојни средства и оружје на Универзитетот.
Студентите се против истакнување на национални и партиски симболи
– Овде сме за студентски а не за партиски активизам, велат Пленумци
„Не кради од Универзитетот или од другиот, почитувај ги различностите – сите сме различни но мора да останеме обединети, кога можеш – учествувај во активностите, зашто силни сме само кога сме заедно“, се некои од правилата на Пленумци.
Тие предупредуваат дека секој што нема да се придржува на овие правила не го претставува Пленумот.