Откако заврши протестот што пред Собрание го организираа повеќе од 80 граѓански организации, голем дел од демонстрантите, кои полицијата ги растера од пред зградата на ВМРО-ДПМНЕ во моментов се пред Влада. Протестот е мирен.
И пред Влада дојде Стојанче Ангелов и им се обрати на полицајците, убедувајќи ги дека треба да се на страната на народот.
Има групи кои дофрлуваат на полицијата. Се слушаат петарди. Се скандира „Нема правда, нема мир!“ Но нема поголеми тензии.
Центарот на Скопје е под силно полициско обезбедување, а Владата е целосно опкружена со специјални единици и водени топови.