Демонстрантите на најмасовниот протест досега пред Влада бараат оставка. Пред Влада се веат македонски и албански знамиња.
Тие со себе носат транспаренти со ликот на специјалната јавна обвинителка Фатиме Фетаи, но и транспаренти на кои пишува „Никогаш повеќе ваква власт“, „Бараме обвиненија за криминалот на власта“ и транспраенти на кои ја пишува цената на секој објект изграден во проектот „Скопје 2014“.
Демонстрантите претходно истакнаа дека нема преговори во вакви услови и дека ќе протестираат се додека Ѓорге Иванов не ја повлече одлуката за аболиција и не си даде неотповиклива оставка. Тие исто така побараа формирање специјално одделение за предметите на СЈО во Кривичниот суд, примена на сите точки од извештајот на Прибе и формирање на техничка владата. Велат, ќе протестираат се додека не се исполнат нивните барања.
