Партијата Демократи ги провомовираше листите на кандидати за пратеници во шесте изборни единици за парламентарните избори кои ќе се одржат на 8 мај.
Во изборна единица 1 ќе биде Јорго Огненовски, во двојка носител ќе биде Димитар Спасов, во изборна единица број 3 носител е Виолета Спасова, во број 4 ќе биде Габриела Тодорова, Ѓорѓи Велјанов ќе ја предводи листата во петтата единица и во шеста изборна единица носител ќе биде Хирмет Елези.
– Ние како пратеници ја бараме довербата од гласачите и сакаме да промениме се од корен, почнувајќи од политичкиот систем и да креираме врвна економија и здравство, образование.
Да направиме многу повеќе за пензионерите и за сиромашните, да ја дигнеме наша Македонија на нозе и да ги тргнеме од власт 33-годишните робовладетели.
Затоа ги повикувам сите граѓани да размислат и да ни ја дадат довербата на партијата Демократи – порача лидерот на Демократи, Јорго Огненовски.