Градоначалникот на Куманово Зоран Дамјановски рече дека за разлика од останатите говорници тој наместо за демократијата сака да зборува за Куманово при што ги наброја сите историски битки и случувања кои се одвивале околу и во градот.
„Денеска после толку години излеговме пак да ја искажеме мислата за слобода и демократија во оваа држава. Ова не е само режим ова е диктатура кој успеа да ја суспендира демократијата само и поради само нивни лични интереси, ќе се бориме заедно, ќе влеземе во една борба за демократија и во борба за просперитет“, рече градоначалникот на Куманово.