„Виновна за ситуација во Македонија е власта и мнозинството. кое одлучи на сила буџет и и оневозможи на опозицијата да дебатира“, рече вечерва за Дневникот на ХРТ 1, лидерот на СДСМ, Бранко Црвенковски.
Со тепање, рече, власта ги исфрли опозициските пратеници.
„Ова е преседан. Со полициска интервенција и насилство ги исфрлија и новинарите.Во Македонија и во сите градови вечерва имаше протест на граѓаните и опозицијата. Бидејќи опозицијата ја исфрлија од Парламентот, нам ни останува уличната демократија “, рече Црвенковски.
Не е нормално, потенцираше, власта да организира протести против опозицијата. Власта кога сака да се дефокусира јавноста, иако се 7 години на власт, организира контра-протести.
„Само Милошевиќ и Груевски го шушкале народот и создавале зла крв.Пучот го изведе власта, го прекршија Уставот и сите закони. Македонија од вчера е полициско-партиска а не парламентарна држава“, рече Црвенковски во интервју за ХРТ 1.
