Премиерот Зоран Заев заедно со владина делегација го пречека пред Владата грчкиот премиер, Алексис Ципрас, којшто е во прва официјална посета на земјава.
(Во живо) Пречек на грчкиот премиер Ципрас пред Владата
(Во живо) Пречек на грчкиот премиер Ципрас пред Владата
Posted by A1on.mk on Вторник, 02 април 2019
Двајцата премиери пријателски се поздравија, направија селфи и се фотографираа со новинарите, пред да започне официјалниот дел од посетата.
Церемонијата пред Владата се одржа пократко отколку што првично беше планирано, поради доцнењето на авионот со којшто на скопскиот аеродром пристигна Ципрас, заедно со голема бизнис-делегација.
Во Владата во тек е тет-а-тет средбата меѓу двајцата премиери, по што ќе следува и заедничка седница на двете влади.
Денеска е предвидено Ципрас да се сретне и со претседателот на Собрането, Талат Џафери, а доцна попладне е предвидено да се одржи и бизнис-форум, на кој, како што е најавено, ќе присуствуваат и 200 бизнисмени од Грција.
Поради посетата на Ципрас денеска од 09:30 до 20 часот ќе биде воведен посебен сообраќаен режим во поширокото централно подрачје на Град Скопје.
Галена Николовска-Ризвановиќ