Квази синдикатот кој е создаден под закани дека некому ќе му се намали платата или нема да му се продолжи договорот е формиран бидејќи во предлогот на медијаторот Питер Ванхауте се споменува можност една од препораките да доаѓа од синдикат на новинари, смета претседателката на ССНМ, Тамара Чаусидис.
– Имаме информации од наши колеги дека во некои медиуми се давале пристапници за некаков нов синдикат што само по себе не би било спорно, она што е спорно што тие пристапници некаде се даваат со уцена или со ветување дека сопственикот ќе ја плаќа чланарината што е нон сенс и што говори за мотивите за формирање на таква една организација по теркот на ЗНМ, има една таква огледална организација која повеќе е релативизирање на позициите на ЗНМ, вели Чаусидис.
Таа вели дека Самојстониот синдикат се радува на плурализам, но не со синдикат кој е создаден под закани.
Александар Тодески