Општина Центар денеска ги додели првите субвенции за купување нов велосипед. Градоначалникот на општината Андреј Жерновски изјави дека во рок од две недели добиле 239 барања за купување велосипед, а на 89 граѓани парите се речиси легнати на сметка, додека останатите ќе ги добијат денеска и во текот на утрешниот ден.
– Акцијата се одвива во полн сјај, речиси половината од апликантите се приапднички на понежниот пол. На првите петнаесет апликанти доделивме свечена награда.
– Со овој проект, ќе се заштити екологијата и животната средина, ќе има помалку издувни гасови во воздухот, а кај малите да се создаде култура на однесување – изјави Жерновски.
Доколку проектот се покаже како успешен, вели Жерновски, во буџетот за следната година ќе бидат испланирани повеќе пари за оваа намена.
Петар Клинчарски