По три часа на граничниот премин Деве Баир македонската полиција започна да ги пропушта за влез бугарските граѓани кои од утринава чекаа на граничниот премин за влез во Македонија бидејќи беше паднат системот за контрола.
Според информациите влезот им е дозволен на бугарските граѓани дојдени за чествување на роденденот на великанот Гоце Делчев, но само откако ќе бидат детално прегледани нивните автомобили, за македонската полиција да се осигура дека не носат со себе предмети кои би можеле да се искористат за немири.
Како мерка за претпазливост, според информациите до кој дојде А1он, сите што се пропуштени се во колона која со полициска придружба ќе се движи до Скопје.