Иницијаторот за реформи во ВМРО-ДПМНЕ, Петар Богојески побара заминување на Никола Груевски од лидерската позиција зошто неговото останување ќе значи само корист за СДСМ. Тој најави жестоко темпо за реформите во ВМРО-ДПМНЕ се до постигнување на целта.
Продолжувањето на функционирање на Никола Груевски како лидер на ВМРО-ДПМНЕ е само во интерес на СДСМ, зошто со неговиот негативен имиџ кој се создаде во минатото остава простор да мобилизира отприлка 150.000 граѓани да гласаат за СДСМ. Тие не се за СДСМ, но поради Никола Груевски тие гласаат за СДСМ, рече Богојески.
Никола Груевски за нас е нелигитимен претседател избран на приватен конгрес во Куманово, пред две години, Конгрес на кој за делегати беа поставени негови лични пријатели, другари кои ги назначи. Тие го избраа него за лидер. Апелираме да престане политиката на делигитимирање на ИК како неодамна и сега политика која продолжува да го делигитимира ЦК. Груевски својот легитимитет го губи и со самото негово оптеретување на целата партија, напуштајќи ги националните интереси на македонскииот народ, а криејќи се зад ВМРО-ДПМНЕ, рече Богојески.
Нашиот став е Никола Груевски да престане со праксата сам да поставува кандидати за градоначалници, оставаме простор Никола Груевски неговите лични кандидати да ги предложи на општинските комитети и доколку добијат широка поддршка, може да бидат кандидати на партијата, рече Богојески според кого ставот на реформистите за локалните изборите, ќе биде истакнат како што рече “ден пред отпочнувањето на нашата кампања“.
Реформите продолжуваат со жестоко темпо се до суштинско реформирање на ВМРО-ДПМНЕ. Повикот за обединување е до сите граѓани кои се припадници на конзервативната или демохристијанската иделологија, да се обединат зад процесот за целосни реформи во ВМРО-ДПМНЕ, а не зад актуелното раководство на ВМРО-ДПМНЕ, рече Богојески.