Дејан Блажески, советник во општина Охрид и претседател на општинската организација гостуваше во емисијата „Под лупа“.
На прашањето зошто ЛДП на овие избори немале носител на листа како порано, одговори дека претседателот на СДСМ Зоран Заев одлучи да ги смести луѓето каде заслужуваат и според потенцијалите кои ги имаат.
„ ЛДП имаше носители на листи, како Жерновски и Пенов, а сега ја имавме и маестралната победа во Центар. Секој се наоѓа според својот рејтинг. или дејствување точно каде припаѓа. Се согласувам со Заев за сместувањето, овој пат ЛДП има и помал број на пратеници.
Сега ова е предмет на ЦО на ЛДП каде треба да се изјаснат за доверба или недоверба кон претседателот кој реално за разлика од претходниците има полоши преговарачки, квалитативни и политички способности и рејтинг. Тоа се внатрешно-партиски работи. ЛДП го доби местото кое го заслужуваше и не заслужуваше да има носител на листа“, рече Блажески.