Чувствувам одговорност и затоа отворено зборувам и во Брисел и во Скопје за тоа дека не се исполнети некои од декемвриските заклучоци на Европската комисија, поради што и Македонија повторно не доби датум за почеток на преговорите. Тоа пред сè е проблемот со името, добрососедските односи, политичкиот дијалог и уште некои реформи.
Ова во интервју за Радио Слободна Европа го истакнува вицепремиерот за евро-интеграции Фатмир Бесими.
За изјавата на Ричард Ховит дека Македонија може да го загуби кандидатскиот статус, Бесими вели дека Македонија треба да е сериозно ангажирана на реформите.
Ова, вели, е тема на која треба да работиме, особено на прашањето на името, кое не е ексклузивно ниту на власта ниту на опозицијата, ниту на една етничка заедница, туку проблем кој бара консензуален пристап.
„Според мене последниот предлог на Нимиц е добра основа за продложување со преговорите и со една временска рамка и подигање на политичкото ниво во преговорите, може да се напредува. И Грција треба да е про-активна, треба поголема ангажираност од двете страни, особено од Грција“, смета Бесими.
Ние сме коалициони партнери со ВМРО-ДПМНЕ и комуницираме, вака вицепремиерот ги коментира односите со ВМРО-ДПМНЕ.