Кампањата на ДПМНЕ за овие избори влегува во трагикомична фаза. Битолчани велиме: Кога неможеш некому мана да најдеш, барај му прша во косата, а притоа не се ни погледале во огледало, рече пратеничката Весна Бендевска.
Јас на нивната плукачка и навредувачка реторика, рече, ќе возвратам со факти, смешно е Талески да говори дека сме немале тим за успех и резултати , забораваат дека без малку сите директори што се дел од екипата на Талески имаат по неколку кривични пријави, а некои дури и завршија во притвор.
Кога говорат, вели таа, дека нам ни недостасувале дела, незнам на какви дела мислат, ако по тоа подразбираат, хотели во приватна сопственост, бензиски пумпи на патот кон Новаци, станови и дуќани во странство, тогаш јасно кажувам, дека ДА, такви дела зад нас немаме и нема ни да ги имаме по завршетокот на мандатот.
