Од здружението „Баланс МК“ информираат дека неофицијално дознале дека лекрарите кои го сменија својот став по однос на инсулинот, биле на состанок во Министерството за здравство, и после тоа почнале да ги менуваат изјавите за медиумите дека промените на инсулинот нема да предизвика штета по здравјето на дијабетичарите.
„Не можеме да докажеме но знаеме. Имаше состанок во Министерство за здравство, каде беа повикани повеќе доктори и после тој состанок следуваа другите изјави“, рече Цевете Серафимовски од Баланс МК.
Според „Баланс Мк“ случаи на лечење со несоодветна терапија или друг инсулин имало во Радовиш. На девојче поради измешаната доза инсулинот и предизвикал компликации.
Дијабетичарите едногласно потврдија дека нема да дозволат некој да си поигрува со нивното здравје.
Дијабетичарите рекоа дека сеуште чекаат одговор од министерството за здравство каде бараат шест ендокринилози да гарантираат дека нема да има последици по пациентите со промената на инсулинот.