Професорот во пензија, Иван Бабановски, кој пред три години беше лустриран од Комисијата за верификација на фактите, денес се обрати пред насобраните граѓаните кои протестираа пред Јавното обвинителство. Тој ги повика граѓаните да излезат на протести за да се ослободи државата од, како што рече, оваа чума од власт.
– Јас сум шампион во Македонија по лустрирање. Добив пред „нивниот“ суд кој ме ослободи од првата лустрација, за еден лудак од стадото на премиерор да ме лустрира повторно. Да знаете дека во библијата пишува дека стравот е грев. Ние Македонците сме библиски народ и гревот не ни приличи. Не сме овде да се бориме против нашата држава, туку против оние кои ни ја урнисуваат – рече тој.
Првиот јавен обвинител, Марко Зврлевски, рече, треба кривично да одговара поради непостапување за бројните скандали во кои е вмешана власта.
– Ги повикувам сите граѓани на Македонија, кои имаат интегритет, да се разбудат и да дојдат со нас ова чудо, оваа чума од власт да ја тргнеме што поскоро во интерес на граѓаните без оглед на нив национална, верска, социјална и секоја друга припадност – порача Бабановски.
Маја Васева