„Оливер Спасовски повика на избори на 5 јули во деновите кога се достигнува пикот на заразата со над 80 тина заразени. Односно во денешниот случај неофицијалната бројка е над 80 заразени е навистина голем и го достигнуваме вториот пик. Ова е страшно и ова е загрижувачки тоа значи дека Спасовски и Заев се директно одговорни за секој еден заразен и починат човек поради заразата со ковид. Тие наместо заштита на населението паметот им е како да седнат во фотељите“, одговори на новинарско прашање, портпаролот на ВМРО-ДПМНЕ, Димче Арсовски.
„Поголема зараза од ковид е заразата на лудилото наречено Заев – Спасовски кој ја втурнува свесно државата во изборна кланица каде што ќе броиме новозаразени, ќе броиме жртви наместо гласови на денот на изборите. Заев и Спасовски стануваат џелатите на сопствениот народ и губат контрола над работите. Во оваа држава приоритет број 1 мора да биде здравјето на граѓаните не личниот интерес на политичари на кои им завршува кариерата. Лошите резултати со кои се соочуваме денес е последица на лошото менаџирање во текот на изминатите 3 месеци, она што подобро го објасни докторот Игор Николов. Комисијата за заразни болести која работи под диктат на Заев наместо да работи самостојно беа само нем извршител на диктатите и политичките желби на Зоран Заев“, рече Арсовски.