Стојанче Ангелов од „Достоинство“, укажа на уште , како што рече, спин на власта со обвинување на опозицијата дека поради нивното отсуство не може да се донесе Законот за бранители.
„ВМРО-ДПМНЕ и ДУИ имаат договор. Тие знаат дека со 15.000 амандмани поднесени од ДУИ, ќе требаа 10 години за законот, кој и онака е лош.ВМРО-ДПМНЕ прво се обиде да ги обвини ДУИ, а сега СДСМ.ВМРО-ДПМНЕ имаа 6 години да го донесат законот, ако сакаа да го решат статусот и проблемот на бранителите. Ги повикувам ВМРО-ДПМНЕ да ја применат истата тактика како кога го носеа буџетот. Видовме колку се силни кога се работи за пари“, порача Ангелов.