Лидерот на партијата Достоинство Стојанче Ангелов денеска одржа прес-конференција во Охрид, како поддршка на кандидатурата на Александар Петрески за уште еден градоначалнички мандат и на советничката листа на здружената коалиција „Заедно за Македонија“ за престојните локални избори.
Ангелов истакна дека градоначалникот Петрески во изминатите седум години се соочил со многу предизвици од страна на власта, обвинувајќи дека имало обиди за негов поткуп, заплашување, исмевање, што не успеале, напомена дека гласот за Ацо е глас против Талат.
Петрески, посочи Ангелов, е вистинскиот човек кој за Охрид ќе го однесе во подобро утре.
Според Ангелов, со оглед на тоа дека Петрески успаел осум години да го води градот „со сите опструкции на централната власт тогаш од него можело да се очекува многу по изборите на кои Сојузот на иднината убедливо ќе ја победел коалицијата на ВМРО-ДПМНЕ“.