Трансродовото лице Андреа од Тетово, вечерва, на отворена сцена во антивладиниот камп ја раскажа својата животна приказна, дискриминирачкиот однос на судовите, социјалните служби и другите надлежни институции.
Андреа има две деца кои судот и’ забранува да ги види веќе 5 години.
– Поранешниот министер за труд и социјала, Спиро Ристовски, самиот си се стави во улога на врховен судија и напиша забрана дека јас немам право на своите деца. Секој ден измислуваа причини да ме стават во затвор. Тука нема никаква правда. Судство, социјала, здравство – се’ од нула треба да се смени. И денеска ме повикаа во судот затоа што сум предизвикала општа опасност. Со што? Како? Ова е невиден терор. Има деца што незнаат што е чоколадо, не знаат што е мобилен телефон. Имам гнев за сите неправди, што не можам да го извадам од себе, рече Андреа.
