Веќе 12 часа, 13 приведени граѓани кои синоќа протестираа против одлуката на Ѓорге Иванов за помилување на политичари, се во полициски станици каде трае распитот.
6 од нив се во Полициската станица во Кисела вода, 4 во Гази Баба, еден во Центар и двајца во Бит Пазар.
На приведените им беше донесена храна и освежување од граѓаните.
Освен уапсени и претепани демонстранти, а повреден е и новинарот Горан Наумовски.
Се огласија од Студентскиот пленум: Наши колеги вечерва се насилно и брутално приведени. Итно и безусловно да бидат пуштени, а виновните да одговараат.