Вицепремиерот Димитров во прва работна посета на Брисел од формирањето на новата Влада

Од:

Заменик претседателот на Владата задолжен за европски прашања, Никола Димитров, на 22 септември ќе престојува во работна посета на Брисел, што всушност е и прва посета во седиштето на ЕУ на претставник на Владата на Северна Македонија по нејзиното формирање.

Предвидени се средби со потпретседателот на Европската комисија задолжен за промоција на европскиот начин на живот, Маргаритис Схинас и еврокомесарот за соседство и проширување, Оливер Вархеји, како и со други претставници на Генералниот директорат за соседство и преговори за проширување на Европската комисија.

На маргините на Советот за општи работи на ЕУ (ГАК) кој неделава се одржува во Брисел, вицепремиерот Димитров ќе оствари средба и со државниот министер за Европа на Сојузна Република Германија, Михаел Рот.

Работната посета на заменик претседателот на Владата Никола Димитров се случува во исклучително важен момент за Северна Македонија, во светло на дефинирање на Преговарачката рамка и одржувањето на првата меѓувладина конференција со ЕУ, што ќе означува и официјален почеток на пристапните преговори со Унијата.

На средбите Димитров ќе ги отвори прашањата поврзани со ИПА 3 програмата, имајќи го предвид утврдувањето на Повеќегодишната финансиска рамка на ЕУ 2021-2027 што е актуелно периодов. Во тој контекст ќе се зборува и за подготовките за димензионирање и објавување на најавената Економска програма за развој и инвестиции за Западен Балкан.

Би можело да ве интересира

Германија инсистира на одржување на меѓувладината конференција до крајот на годинава, Бугарија останува на ставот за преговарачката рамка

Ана Ололовска

Димитров во францускиот Сенат: Потврдена поддршката од Франција за нашата европска иднина

Ана Ололовска

Холштајн: Отворањето на преговорите со С.Македонија е во интерес на сите

Ана Ололовска

ЕУ нема да се меша во спорот меѓу Македонија и Бугарија

Искра Манојлоска

Интензивна дипломатска активност за осигурување на првата Меѓувладина седница со ЕУ во декември

Ана Ололовска

Димитров во Париз по поддршка за првата меѓувладина конференција со ЕУ

Ана Ололовска