Заменик претседателот на Владата задолжен за европски прашања Фатмир Бесими од денеска е во дводневна работна посета во Брисел во рамки на која ќе се сретне со генералниот директор на Директоратот при ЕК за проширување Стефано Санино.
Како што соопшти Секретаријатот за европски прашања, Бесими на оваа прва средба со Санино ќе разговара за постигнатиот напредок во реализацијата на договорените реформски цели во рамки на пристапниот дијалог на високо ниво и за подготовките за пролетниот извештај на Европската комисија.
Во рамки на посетата заменик претседателот Бесими ќе има средби и со Пиер Вимонт, генерален секретар на Европската служба за надворешни работи, Гилс Мерит, генерален секретар на „Пријатели на Европа“, како и со претставниците на Комитетот за Западен Балкан-КОВЕБ во Советот на ЕУ, на кои ќе стане збор за активностите коишто се превземаат во однос на подобрување на политичкиот дијалог, а се во склоп со приоритетите од пристапниот дијалог на високо ниво, односно на евро-интеграцискиот процес.