Светската организација за здравствена заштита на животните (OIE) денеска во Охрид организира регионален семинар за националните контакт точки за ветеринарни препарати.
На состанокот ќе учествуваат претставници од 35 држави, а ќе бидат разменети искуства за употребата на ветеринарно медицинските препарати во лекувањето на животните и нивното влијание врз храната и здравјето на луѓето.
Семинарот ќе го отвори директорот на Агенцијата за храна и ветеринарство Зоран Поповски, а најавено е и присуство на регионалниот претставник на OIE за источна Европа, Никола Белев.