Германија и дава целосна поддршка на Македонија во евоатлатантските интеграции за што потребно е да исполни услови кои важат подеднакво за сите. Нема попусти, но ни нови задачи за Македонија. Германија ќе го одржи својот збор, но апелира и на разумност на сите политички фактори во државата кои треба го согледаат националниот интерес и да покажат подготвеност за компромис и флексибилност за надминување на актуелна ситуација.
Ова го порача шефот на германската дипломатија Гидо Вестервеле по денешната средба во Скопје со македонскиот министер за надворешни работи Никола Попоски.
– Јас навистина апелирам до сите да ја видат целта и да го согледаат националниот интерес, да ја осознаат својата сопствена одговорност, да мислат на судбината и на иднината на земјата и да покажат доволна мерка на подготвеност за компромиси, доволна флексибилност за да се вратат кон демократската соработка, истакна Вестервеле.
Според него, европскиот проект се базира на заеднички вредности, а тоа се демократија, владеење на правото, назависно судство, надминување на конфликти во духот на добрососедство и пред се мирниот соживот меѓу различните етнички групи.
– Тоа се европските вредности за кои ние се залагаме, посочи Вестервеле.
Прашан дали Македонија ќе добие датум за прегвоори во јуни, тој рече дека не сака да прејудицира и оти ќе го почека извештајот на ЕК за земјата.
