Непознат возач вчера околу пладне удрил и смртно повредил велосипедист на патот Кичево-Гостивар, по што избегал од местото на несреќата, информира полицијата.
„На 11.07.2021 во 13.35 часот било пријавено дека на магистралниот пат Кичево-Гостивар, во близина на каменоломите, патничко возило кое го напуштило местото на незгодата удрило во велосипед управуван од О.А.(66) од с.Врапчиште, гостиварско. На местото на незгодата починал велосипедистот,“ се вели во полицискиот билтен.
Смртта на жртвата во незгодата ја констатирал лекар, а Јавен обвинител и екипа од Одделението за внатрешни работи Гостивар извршиле увид на местото на незгодата, додаваат од МВР.