Диме Велковски, кандидат на СДСМ за градоначалник на Општина Аеродром, го обвини актуелниот градоначалник Ивица Коневски, дека иако во својата изборна програма ветил изградба на 3 детски градинки, досега не изградил ниту една.
„За жал и по 4 години и после неколку милијарди денари народни пари потрошени на евтина шминка, од ветените три Коневски не изгради ниту една градинка. Единствената градинка во Општина Аеродром која сеуште се гради, финансиски не е реализирана од страна на Општината, иако Коневски без срам ја брои како сопствено дело во неговиот Отчет пред граѓаните“, изјавиДиме Велковски, кандидат на СДСМ за градоначалник на Општина Аеродром.