Претседателот на Собранието на Република Македонија Трајко Вељаноски на денешната средба со директорот на Генералниот директорат за проширување на Европската комисија Стефано Санино го запознал со случувањата на 24 декември 2012 година во и пред Собранието, како и со фактите, околностите и настаните кои претходеа.
Како што соопшти Кабинетот на Вељаноски, тој предложил насоки и мерки за јакнење на парламентарниот капацитет, за враќање на довербата, за непречено функционирање на Собранието во полн состав, насочени кон надминување на политичките несогласувања и јакнење на вкупниот, заеднички, реформски капацитет на Република Македонија во евроинтеграцискиот процес.