Претседавачот Трајко Вељаноски не ѝ дозволи на пратеничката од ВМРО-ДПМНЕ, Даниела Рангелова да држи класична прес-конференција од собраниската говорница.
– Госпоѓа Рангелова, ве молам, прес-конференција во Сала 3, не тука, рече Вељаноски.
Рангелова кажа дека претходно пратеничката од СДСМ, Татјана Прентовиќ зборувала надвор од темата, а Вељаноски ѝ одговори дека затоа побарал пауза од половина час.
– И јас барам нова пауза од половина час. Дозволете ми да се доискажам, само една минута, рече Рангелова.
Вељаноски ѝ повтори дека од собраниската говорница не може да држи прес-конференции и дека слободно може да си закаже прес конференција, по што ѝ го изгасна микрофонот.