Секторот за внатрешни работи Велес денеска доби осум возила „шевролет спарк“, кои се целосно опремени со светлосна и звучна сигнализација и имаат вградено најсовремена полициска опрема, информира на денешната прес-конференција, Анита Стојковска портпаролот на СВР Велес.
Таа потенцира дека со обновата на возниот парк во СВР-Велес треба да се подобри и квалитетот, но и ефикасноста при секојдневното функционирање на полициското работење.
– Пет возила се отстапени на полициските станици во Велес, две возила се доделени на полициска станица во Кавадарци и едно возило на полициска станица во Неготино, со цел подобрување и зголемување на квалитетот и ефикасноста на полициското работење, потенцира Стојковска.