По повод 71-та годишнина на Денот на независноста на Индонезија, во Музејот на македонската борба ќе се одржи Индонезиска вечер – прв настан чија цел е да ги зацврсти билатералните односите помеѓу Индонезија и Македонија и да придонесе за запознавањето на двата народа.
Амбасадата на Република Индонезија соопшти дека ќе биде претставен традиционалниот автентичен танц од Бали во изведба на танцовиот мајстор Аја Булантрисна Џелантик и неговата група.
Гостите ќе може да уживаат и во убавините на Индонезија претставени преку фотоизложба, како и да вкусат карактеристична индонезиска храна и индонезиско кафе.
Како што соопшти почесниот конзул на Република Индонезија во Скопје, Сашко Кедев, на Индонезиската вечер е најавено присуство на дипломатскиот кор во Македонија, претствници на Владата на РМ, бизнис-секторот и од индонезиската заедница во Македонија.