Вардар во Велес на мерното место кај Стар мост кај градското пазариште според мерењата на УХМР од Скопје денеска бил со 15, а во изминатите два дена со водостој од само 14 сантиметри.
Според Глирог Милевски од УХМР, ваквата состојба со нивото на водата е катастрофална и загрижувачка.
– Споредено со 21 јули 2016, кога Вардар во Велес бил со водостој од 28 сантиметри ова е скоро двојно понизок водостој, споредено со истиот период лани или два–три пати понеско споредено со просекот за јули кој изнесува 48 сантиметри, информира Милевски.
Немаме информација, продолжи тој, од надлежните како тоа се одрува врз живиот свет во реката Вардар односно врз рибите и останатиот жив свет, но, затоа имаме потврда од велешките рибари, кои велат за разлика од изминатите лета годинава со денови не ловат ни риба или тоа е минимално.
Доказ за нискиот водостој во Вардар во центарот на градот меѓу двата моста се и неколку речни островчиња среде реката, а кои постојано се шират на сметка на водата.
Според надлежните од УХМР ваквата лоша водоссостојба во реката Вардар е последица на долготрајната суша или лошата хидролошка состојба во земјава годинава.
Годинава Вардар во Велес бил со највисок водостој на водата на 8 февруари кога биле измерени 150 сантиметри.