Вангеловски и претседателите на судовите го прифатија предлогот за подобрување на статусот на судиите

Од:

Претседателот на Врховниот суд, Јово Вангеловски и претседателите на сите судови во Република Македонија го прифатиле предлогот за спогодба за комплексно подобрување на статусот на судиите во државата, соопштуваат од Врховниот суд.

На средбата, што била одржана вчера, присуствувале и претседателот на Судскиот буџетски совет, Зоран Караџовски и претседателот на Здружението на судиите на Република Македонија, Џемали Саити.

На средбата, како што соопшти Врховниот суд, се разговарало за состојбата со исплатата на додатоци на плати, почнатите судски спорови и се разгледуваа можните алтернативи за подобрување на статусот на судиите во Републиката.

Претседателот на Врховниот суд на Република Македонија, претседателот на Судскиот буџетски совет и претседателот на Здружението на судиите на Република Македонија го презентирале понудениот пакет мерки од премиерот Зоран Заев, за решавање на проблемите со исплата на додатоците на плата, но и за севкупниот материјален статус на судиите.

„Притоа беа презентирани ставовите на сите судии во Република Македонија, изразени на одржаните колегиуми во секој од судовите поединечно. Од презентираните ставови произлезе дека големо мнозинство на судиите се согласува дека треба да продолжи процесот на преговарање со прифаќање на понудата за подобрување на статусот на судиите во Република Македонија. Како резултат на констатираната состојба беше донесен заклучок дека се прифаќа компромисниот предлог за спогодба за комплексно подобрување на статусот на судиите во Република Македонија“, се наведува во соопштението од Врховниот суд.

Би можело да ве интересира

Здружение на судии: Судиите да oдвојат минимум 20 отсто од платата за справување со коронавирусот

А1он

Врховен му ја одби жалбата на Вангеловски за неговото разрешување од функциите

Кристијан Ландов

Полскиот Сенат го отфрли предлог-законот за „дисциплинирање“ судии

Три месеца од разрешувањето на Јово Вангеловски, врховните судии ќе бираат кој да одлучува за неговата жалба

Васко Маглешов

Избројани денови за нов почеток на пет предмети на СЈО: Судскиот совет ќе констатира престанок на мандатот на поротничка

Васко Маглешов

Поради возраста на поротничка, пет судења на СЈО може да почнат од почеток

Васко Маглешов