Во валандовското село Брајковци започна изградба на нова градинка, која, според надлежните институциите, ќе ги исполнува сите неопходни стандарди за квалитетен образовен процес и ќе обезбеди современи услови за згрижување и престој на 40 деца.
Градинката во Брајковци ќе се простира на површина од 360 метри квадратни и во својот состав ќе има две занимални, кујна, трпезарија и други потребни простории како и комплет санитарни јазли и тоалети, велат од општината.
Финансиските средства за изградба на новата градинка во Брајковци ги обезбеди Министерството за труд и социјална политика.
Покрај од Брајковци нејзините услуги ќе можат да ги користат и жителите од соседните населени места.