Еве ја визуализацијата на можниот изглед на комплексот хотели кој, како што вели градоначалникот на општина Центар, Андреј Жерновски, го предвидела Владата во Градскиот парк, на местото на сегашните барака на Град Скопје.
Од скицата се гледа дека овој објект би бил целосно надвор од архитектонскиот концепт на тој дел од градот, би го нарушил изгледот и функционалноста на паркот, но и прашање е како ќе се одрази на сообраќајниот метеж.
Сепак, најголем проблем, како што велат познавачите, е засенување на паркот и блокирањето на природната светлина за растенијата и дрвата. Скопје веќе одамна заради непланското градење го наруши природното движење на воздухот, а ваквата, како што се најавува, стометарска градба би можела да биде вистинска катастрофа.
Министерството за транспорт и врски демантираше дека ќе се гради хотелски комплекс, туку дека планираат целата површина на Градски парк да биде зеленило.
Но вице премиерот Зоран Ставрески потпишал Одлука за утврдување градба од посебен интерес, која во Службен весник излегла на 27.јули 2015.
Според Одлуката, како градба од посебен интерес е Хотелски комлпекс, означен со маркица Б4.